Firda søker ansvarleg redaktør

Firda søker ansvarleg redaktør med stort engasjement for lokalsamfunnet og evne til å utvikle avisa vidare.

Firda er ei stolt og tradisjonsrik avis med hovudsete i Førde i Sogn og Fjordane. Avisa kom ut første gong i 1918, og fylte 100 år i januar. No søker vi ein ansvarleg redaktør med mot og engasjement for lokalsamfunnet, og som ønsker å utvikle avisa vidare.

Som redaktør står du ansvarleg for å forvalte den publisistiske plattforma til avisa, ved å vere ein garantist for at avisa ivaretek si uavhengigheit, saklegheit, sin relevans og sitt samfunnsansvar.

Som redaktør set du alltid lesaren først, og brukar innsikt og analyse for å sørge for at avisa utviklar seg i takt med lesaren sitt behov.

Vi søker ein redaktør med solid redaksjonell erfaring. Du har god kjennskap til kva digitaliseringa i samfunnet inneber både av moglegheiter og utfordringar i ein redaksjon. Du må ha lyst og evne til å leie Firda som organisasjon gjennom interessante og krevjande prosessar dei kommande åra.

Som leiar er du nysgjerrig, lærings- og utviklingsorientert. Du har mot, engasjement og evne til å inspirere dine medarbeidarar. Du er strategisk sterk og evnar å gjennomføre og sette ut i livet endringar og forbetringar. Du har gode samarbeidsevner, er tydeleg på kva du vil og god til å kommunisere det.

Som ansvarleg redaktør for Firda rapporterer du til styreleiar Morten Nilsen i Amedia.

Har du spørsmål om stillinga, ta kontakt med Heidi Wiggen i Visindi, tlf. 916 56 103 eller Direktør regioner og utvikling i Amedia, Morten Nilsen, tlf. 911 89 719.

Søknad med CV kan sendast snarast, og seinast 10. september 2018, gjennom stillingar på www.visindi.no

Søk på stillingen her: www.visindi.no

Søknadsfrist: 10. september 2018