Stillingsannonse:
Sunnhordland søker journalistar og sommarvikarar
Søknadsfrist: 15. februar
Denne artikkelen er over to år gammel og kan derfor inneholde utdatert informasjon.
Mediehuset Sunnhordland
har ein sterk posisjon i ein spanande region. Me har hatt ei positiv utvikling dei siste åra, med solid auke av lesarar og abonnentar. Me er ein del av Polaris-konsernet, held til på Stord og har lokaler i Leirvik sentrum.
Vil du vera med på å gjera Sunnhordland til ei betre avis? Me treng deg som er nysgjerrig, idérik og flink til å skriva og fotografera. Du elskar å finna saker som engasjerer, trivst med høgt tempo, er glad i å snakka med folk og likar å rykka ut på alle slags oppdrag. Me legg vekt på erfaring, utdanning og stå på-vilje. Hjå oss får du ansvar frå dag éin, og spanande og utfordrande oppgåver. Du blir ein del av, og er forventa å bidra aktivt til, eit ambisiøst, raust og fagleg sterkt arbeidsmiljø.
Du må rekna med å jobbe både kvelds- og helgevakter. Å ha førarkort er absolutt ein fordel.
I tillegg til faste journalistar treng me sommarvikarar og tilkallingsvikarar. Spesifiser om du søkjer på fast stilling, eller vikariat/deltid.
Send din søknad med referanser, CV og arbeidsprøvar på e-post til
marit @sunnhordland.no innan 15.februar.
Kontaktinformasjon
Marit Holm, ansvarleg redaktør, tlf 951 53 605
Kjetil Østrem, klubbleiar, tlf 982 42 022
