Ledig stilling i knallgod lokalavis

Firda har  ledig ei fast stilling som journalist. Den som får stillinga blir ein del av eit ungt og entusiastisk arbeidsmiljø i lokala våre i Nynorskhuset Førde.

Vi på jakt etter deg som er engasjert og nysgjerrig, med vilje til å stå på. Du er glad i å snakke med folk, har teft for nyheiter og ser dei gode vinklingane. 

Firda ligg langt framme i omstillinga til ei moderne mediebrift og har vunne nasjonale prisar for dette. Redaksjonen lagar jamleg prisvinnande journalistikk.

I Firda får du ein utfordrande kvardag, der du får jobbe med alle slags stoffområde. Vi lovar kjekke kollegaer som jobbar godt i lag for å gjere Firda til verdas viktigaste lokalavis i  dekningsområdet vårt.

Du er førebudd på varierte arbeidsoppgåver, likar høgt tempo, jobbar sjølvstendig med eigne idear, skriv god nynorsk og har førarkort for bil. Du jobbar frå Førde.

Spørsmål om stillinga? Ta kontakt med redaktør Kai Aage Pedersen.

Send CV og søknad her