Sunnhordland søker journalist

Sunnhordland

Sunnhordland har halde til i Leirvik på Stord sidan 1902. I dag er mediehuset eigd av Polaris Media. Redaksjonen er lokalisert i nyoppussa lokale i Leirvik sentrum på Stord. Redaksjonen består av ni årsverk. Mediehuset har eit opplag på 7642.

Har du lyst til å jobba i ei avis som verkeleg betyr noko for folk? Sunnhordland er den føretrekte mediekanalen her, og «alle» les oss når noko skjer.

No har me plass til ein ny journalist i redaksjonen vår på Sommarøya. Du får jobba i eit ungt, fagleg sterkt og sosialt miljø der me heiar på kvarandre – og der det alltid er rom for å utvikla seg vidare.

Hos oss får du vera med og laga både raske nyheiter og grundig, undersøkande journalistikk. Hos oss kan du setja dagsorden, og jobben du gjer vil bety mykje for mange.

Det siste året har Sunnhordland satsa på korte videoar på eiga nettside og i sosiale medium. Det er difor ein stor fordel med videokompetanse.

Me ser etter deg som: 

– har erfaring frå journalistisk arbeid

– er nysgjerrig, sjølvstendig og meistrar nynorsk

– jobbar raskt og er trygg på presseetikken

– har førarkort klasse B

Stillinga går inn i turnus med kveld og helgar.

Høyrest dette ut som noko for deg? Send søknad og CV.

 Pssst! Sjekk kven andre som jobbar hos oss på www.sunnhordland.no/jobbaher.

Kontaktinformasjon

Kjetil Østrem Klubbleiar Tlf: 982 42 022  kjetil@sunnhordland.no

Hilde Vormedal Nybø Nyheitsleiar Tlf: 982 42 008  hildevn@sunnhordland.no

Søk på stillingen her