Stillingsannonse:
Programleiar i NRK Unormal
Søknadsfrist: 8. mai
Denne artikkelen er over to år gammel og kan derfor inneholde utdatert informasjon.
Unormal er NRK sitt univers for tenåringar. Vi skal nå ungdom med underhaldande innhald om kropp og identitet, på dei plattformene som er relevante.
I dag lagar vi podkast, videoar på Youtube og Snapchat, og eigne seriar for NRK TV. No søker vi ein ny profil som vil bruke seg sjølv for å formidle kunnskap, spre glede og hjelpe tenåringar med å takle livet. Arbeidsstad er i Trondheim, og jobben varer i første omgang ut 2021.
Arbeidsoppgåver
Du er ein av profilane i Unormal, og snakkar med følgarane våre både gjennom kameralinsa og i kommentarfeltet
Du er framfor kamera på opptak, er med på direktesendingar på Youtube og er ei av stemmene i podkasten vår
Du tek del i heile produksjonen, frå utvikling av idear, research og manus til ferdig program
Kvalifikasjonar
Vi søker ein nysgjerrig programleiar som vil lage underhaldande og lærerike videoar for ei ung målgruppe. Innhald, form og formidling skal være personleg og ekte. Det betyr at du må vite kva unge folk er opptatt av og ta behova deira på alvor.
Du trivst framfor kamera og byr på deg sjølv
Du tek ansvar for å bidra med gode idear til innhald
Du likar å jobbe i team
Du er nysgjerrig og likar å lære og prøve nye ting
Du ønsker å være eit godt førebilete for ungdom
Du toler høgt tempo og at andre har ei mening om det du gjer
Personlige egenskapar
Du må ha stor interesse for populærkultur og det som skjer på internett
Du har kunnskap om og identifiserer deg med ei ung målgruppe
Du er bevisst på korleis du brukar språket, skriftleg og munnleg
Det er ein stor fordel om du har erfaring med å redigere video og/eller har journalistisk kompetanse
Vi tilbyr
Eit ambisiøst arbeidsmiljø i ein ung redaksjon i Trondheim, der mange av de flinkaste folka i mediebransjen jobbar.
Stor kreativ fridom og moglegheit til å vere med å utforme NRK sitt tilbod til unge.
Du må sende inn ein video av deg sjølv for å bli vurdert. I videoen skal du fortelje om deg sjølv og noko som er viktig for deg. Videoen kan ikkje vere lenger enn 2 minutt.
Vi oppfordrar spesielt deg som er nynorskbrukar og/eller har fleirkulturell bakgrunn til å søke. Søknadsfristen er 8. mai 2021.
Kontaktinformasjon
Kirsti Svensgaard Moe
Faggruppeleiar
414 38 422
Mari Langva
Prosjektleiar
994 64 774
Søk på stillingen her
