Porten.no søkjer to nye journalistar til Sogn

Porten.no satsar vidare og er på jakt etter to nye journalistar til Sogn, i 100% fast stilling.

Porten.no er på topp tre-lista blant dei raskast veksande lokalavisene i landet.
No ønskjer me to sjølvdrivande og engasjerte journalistar, som kan vere med å ta avisa enda eit steg vidare.

I porten.no får du ta del i eit ungt, energisk og hardtsatsande arbeidsmiljø. Hovudkontoret i Årdal og kontoret i Sogndal er plassert like ved eit mylder av naturmoglegheiter, anten du likar toppturar og pudder, kajakkpadling, fjellklatring, elvefiske eller luftsport.

Bustad kan du sjølv velja etter ynskje, men litt pendling mellom kontora må påreknast. Inn mot sommaren flytter Porten avd. Sogndal inn i eit flunkande nytt kontor i Sogndal sentrum.

Hos oss er det kort veg mellom idé og realisering: me er alltid interesserte i å testa nye konsept som kan heve produktet.

Ansvar og oppgåver:

Du vil vere med å produsera og utvikla det redaksjonelle arbeidet i Sogn. Her er det viktig å:

• byggje nettverk innan politikk, næringsliv og lokalsamfunnet elles
• stille førebudd til kvar vakt med eigne idear
• oppsøkje nyheiter utanfor kontoret og jakte dei gode historiene

Ønskja kvalifikasjonar og bakgrunn:

• Relevant høgare utdanning, eller jobberfaring fortrinnsvis innan journalistikk eller andre samfunnsområde, som økonomi, samanliknande politikk, o.l.
• Oppdatert på utviklinga i norsk presse, både journalistfagleg og teknologisk
• God etisk vurderingsevne
• Porten.no er ei nynorskavis, og vår nye journalist må vera trygg på å skriva nynorsk

Me søkjer deg som:

• Er konkurransedriven og er ambisiøs
• Jobbar raskt og trivst i eit hektisk miljø
• Ønskjer å vere med å byggja opp bedrifta
• Held fokus sjølv om det er mange ballar i lufta
• Jobbar godt åleine og i team
• Er samfunnsengasjert, nysgjerrig og oppteken av resultat og kvalitet
• Fordel med førarkort

Me tilbyr:

• Ei viktig rolle i eit framtidsretta miljø prega av kreativitet og fleksibilitet
• Konkurransedyktig løn og pensjon, forsikring og personalordningar
• Fast stilling i 100%

Om du ikkje fyller alle krav, ønskjer me likevel å ta imot ein søknad om du er interessert.

Me har kontor i Årdal og Sogndal. Du må rekna med å vera til stades på begge kontora.

Kontaktinformasjon:

Ansvarleg redaktør, Ola Weel Skram, tlf. +47 415 77 725, e-post: ola@porten.no.

Send CV og søknad snarast. Legg ved attestar og vitnemål, gjerne også døme på saker og reportasjar. Søknader blir behandla fortløpande.

Tilsetjing: Snarast mogleg

Søk på stillingen her