Ledig stilling i knallgod lokalavis

Firda

Firda kjem ut i Førde og har 25 tilsette. Vi dekker 7 kommunar i Sunnfjord, Ytre Sogn og Nordfjord. Firda vert gitt ut av Firda Media AS, eit selskap i mediekonsernet Amedia. Vi gir ut fire papiraviser i veka og publiserer nyheiter på firda.no.

Firda er nyleg kåra til årets lokale nyheitsnettstad og vi har også vunne pris for årets mediehus i Amedia. No har vi ledig ei fast stilling som journalist i eit ungt og entusiastisk arbeidsmiljø. Vi på jakt etter deg som er engasjert og nysgjerrig, med vilje til å stå på. Du er glad i å snakke med folk, har teft for nyheiter og ser dei gode vinklingane.

I Firda får du ein utfordrande kvardag, der du får jobbe med alle slags stoffområde. Vi lovar kjekke kollegaer som jobbar godt i lag for å gjere Firda til verdas viktigaste lokalavis i områda vi dekker.Vi har sterk vekst på mobil og nett. Difor ser vi etter journalistar som kan bidra til å styrke denne satsinga.

Du er førebudd på varierte arbeidsoppgåver, likar høgt tempo, jobbar sjølvstendig med eigne idear, skriv god nynorsk og har førarkort for bil. Du jobbar frå Førde.

Spørsmål om stillinga?

Ta kontakt med nyheitsredaktør, Øystein Silde Frønsdal, 46898258

Frist: Snarast og seinast 15. mars.

Søk på stillingen her