Kunsthøgskolen i Oslo søkjer kommunikasjonsrådgjevar

Kunsthøgskolen i Oslo

(KHiO) er landets største vitskaplege høgskole for kunstnarar og designarar med seks avdelingar: dans, design, kunst og handverk, Kunstakademiet, Operahøgskolen og Teaterhøgskolen. KHiO tilbyr ei rekke utdanningar på bachelor, master og ph.d.-nivå, og har rundt 600 studentar, 200 tilsette i tillegg til eit høgt tal med time- og gjestelærarar.

Kunsthøgskolen i Oslo held til på Grünerløkka i den ombygde Seilduksfabrikken ved Akerselva. Med eit areal på 43.000 m2 er dette eit av Nord-Europas største anlegg for kunst og design.

Meir informasjon på nettstaden khio.no.

Det er ledig ei fast stilling som seniorrådgjevar.

Til stillinga ligg også ansvar å gå inn i funksjonen som kommunikasjonssjef ved hans fråvær.

Kommunikasjonsteamet har fem tilsette som arbeider med ekstern og intern kommunikasjon, strategisk leiarstøtte og å formidle ut resultat frå utdanning, forsking og anna fagleg verksemd. Ei viktig oppgåve er å sikre at informasjon er presis og når fram til rett målgruppe. Teamet rapporterer til direktør og arbeider tett med oppfølging av strategiske prioriteringar frå styret, rektoratet og direktør. Teamet deltek i institusjonens beredskapsarbeid og har ein viktig funksjon i tilfelle der det blir sett krisestab. Teamet koordinerer også kontakt med pressa.

KHiO ynskjer å styrkje formidlinga av det som skjer i regi av utdanning og kunstnarisk utviklingsarbeid og å publisere fleire saker som er relevant for rekruttering av nye studentar.

Organiseringa av den faglege og administrative verksemda på KHiO er under evaluering og ein må gjere rekning med at det kan oppstå endringar i organisering og stillingas verkeområde.

Arbeidsoppgåver og ansvarsområde:

• Delta som medlem av redaksjonen for khio.no
• Publisere redaksjonelle artiklar, intervju og faktainformasjon basert på faglege og redaksjonelle vurderingar
• Formidle resultat av fagpersonalets og studentanes arbeid
• Produsere innhald til sosiale media med hovudvekt på Intragram
• Rådgje i kommunikasjonsspørsmål, mellom anna korleis studentane kan profilere seg i samband med avgangsprosjekt
• Fungere som kommunikasjonssjef ved hans fråvær, medrekna deltaking i høgskolens beredskaps- og krisehandtering

Kvalifikasjonskrav:

• Mastergrad frå universitet eller høgskole med fagfelta kommunikasjon eller journalistikk i fagkrinsen
• Minimum fem års erfaring som journalist eller frå anna relevant innhaldsproduksjon
• Solid kjennskap til kunst og kulturfeltet
• Svært god skriftleg formuleringsevne på bokmål og nynorsk
• Eit godt kunnskapsnivå i engelsk
• God kjennskap til digitale kommunikasjonskanalar, verktøy og publiseringsløysingar
• Svært gode samarbeidseigenskapar
• Det er vidare ønskeleg med erfaring frå strategisk kommunikasjonsarbeid

Personlege eigenskapar:

• Vi søkjer etter ein initiativrik, rask og resultatorientert medarbeidarar med relevant og variert erfaring. Den som blir tilsett må forstå balansen i å kunne jobbe sjølvstendig, og samtidig samarbeide i eit større team, og i tillegg ha god forståing for kunstnarisk utviklingsarbeid.
• Du er flink til å leite fram den gode historia og formidle denne på en måte som treff målgruppa. Du bør ha god forståing for sosiale medium og vere oppdatert på digitale trendar og nye kanalar.
• Styret har vedteke ein språkpolitikk med mål om at Kunsthøgskolen skal ivareta og fremje bruk av norsk fagspråk i utdanninga, og samstundes nytte engelsk som internasjonalt fagspråk.
• Administrasjonsspråket er norsk, og begge dei to norske målformene skal vere tydeleg synlege i innhaldsproduksjonen. Viktig informasjon på nettsidene bør vere tilgjengeleg både på norsk og engelsk.
• Kommunikasjonsrådgjevaren vil samarbeide nært med kommunikasjonssjef, kollegaer i teamet, dekanar og fagansvarlege ved avdelingane. Ved fungering som kommunikasjonssjef vil ein ha tett kontakt med rektorat og høgskoledirektør.
• Den som får stillinga blir del av ein unik arbeidsplass med tett føling på samtidskunstens puls, og får arbeide tett opp mot, og løfte fram, resultata av fagpersonalets og studentanes arbeid på eit mangfald av scener, gallerirom og verkstader.

Kunsthøgskolen tilbyr:

• Spanande utfordringar og moglegheiter i landets største vitskaplege høgskole for kunstnarar og der dei tilsette har høg fagkompetanse og utviklingsvilje.
• Eit kreativt og engasjerande studentmiljø i flotte lokale på Grünerløkka.
• Fleksitid og moglegheit for trening i arbeidstida.
• Stort kunst- og kulturtilbod.
• Medlemskap i Statens pensjonskasse, ei av landets beste pensjonsordningar med gunstig bustadlån og gode forsikringsordningar.

Løn etter statens regulativ som seniorrådgjevar, stillingskode 1364, brutto årslønn frå kr. 626 100 til kr. 689 600 (ltr. 68-73) avhengig av kvalifikasjonar. For særleg kvalifiserte søkjarar kan høgare lønn bli vurdert. Frå løna vert det trekt 2 % lovfesta innskot til Statens pensjonskasse.

Kontaktinformasjon

Nærare opplysningar om stillinga får du ved å vende deg til kommunikasjonssjef Atle Faye, telefon +47 913 47 369, e-post: atle.faye@khio.no.

Søknader for denne stillinga skal registrerast i eit elektronisk skjema på jobbnorge.no. Du må fylle ut standard CV.

Ved spørsmål om innlevering av søknad (tekniske spørsmål), kontakt HR rådgjevar Ira Engelund Hartmann på e-post iraehart@khio.no.

Generelle krav:

Den som vert tilsett, må rette seg etter dei lovar og reglar som til ei kvar tid gjeld for statleg verksemd generelt, og universitet og høgskolar spesielt, og må vere budd på organisatoriske og arbeidsmessige endringar.

Den statlege arbeidsstyrken skal i størst mogleg grad spegle mangfaldet i folket. Personar med minoritetsbakgrunn vert difor oppmoda om å søkje.

Søkjars namn kan bli offentliggjort sjølv om du ber om at søknaden blir unnateke offentlegheit, jf. offentleglova § 25. Søkjar vil i tilfelle bli varsla på førehand.

Høgskolens tilsetjingsråd er tilsetjingsmyndigheit.

Søk på stillinga