Jærbladet søkjer etter ein journalist

Jærbladet

Jærbladet er lokalavisa for Time, Klepp og Hå, med eit nedslagsfelt på vel 60.000 innbyggjarar. Jærbladet er del av Amedia, den største utgjevaren av lokale, redaktørstyrte medium i landet. Med redaksjonelle medarbeidarar over heile landet sørgjer Amedia for at lesarane blir løpande oppdaterte med nyheiter og anna viktig innhald.

Amedia er leiande på lokal avisutvikling. Dagleg når konsernet over to millionar lesarar gjennom sine 109 titlar. Konsernet har 2100 tilsette og omsette i 2023 for 4,1 milliardar kroner.

Amedia er sertifisert av Great Place To Work. Sertifiseringa stadfestar at medarbeidarane våre opplever organisasjonen som ein god stad å arbeida. Les meir på karrieresidene våre på Amedia.no om korleis det er å jobba i Amedia. Følg oss også gjerne på LinkedIn.

Me er ei tradisjonsrik avis med sterk digital vekst, og me ønskjer oss ein kollega som brenn for lokalsamfunn og lokaljournalistikk. Er du idérik i jakta på dei gode historiene, kan du vera den me leitar etter.

Me ser etter ein journalist som er initiativrik, har eigne idéar og som trivst med høgt tempo. Den rette kandidaten kan både laga kjappe nyheitsoppdateringar og gå djupare inn i saker. Det er ønskjeleg at du har jobba som journalist før, er journalistutdanna og har førarkort. Videokompetanse er ein fordel.

For å sikra at lesarane våre kan halda seg oppdaterte på siste nytt morgon og kveld, både kvardag og helg, går journalistane i Jærbladet i turnus. I tillegg til gode kollegaer og eit inkluderande arbeidsmiljø lokalt, vil du få glede av at heile Amedia-nettverket kontinuerleg deler kunnskap om innhaldsutvikling og god journalistikk. 

Søknadsfrist: 8. september

Har du spørsmål om stillinga, kan du kontakta: 

Kent Roar Nybø, ansvarleg redaktør og dagleg leiar, 452 36 863, kent.nybo@jbl.no

Snorre Standish Norheim, klubbleiar, 928 16 163, snorre.norheim@jbl.no

Søk på stillingen her