Hordaland Folkeblad søkjer bladfyk

Om arbeidsgiver

Hordaland Folkeblad er lokalavis for Kvam og Jondal i perla Hardanger, som har om lag like fine fjelltoppar og fjordar som resten av Noreg. Avisa vart etablert i 1873 og har eit opplag på om lag 4545 Papirutgåva vert gjeven ut tysdag og fredag.

Er du forviten, verksam, viljesterk og ubunden?

Då er det ikkje noko å lura på!

Hordaland Folkeblad er ei uavhengig lokalavis som dekkjer Kvam og Jondal i Hardanger. Kontoret ligg i Norheimsund, men arbeidsplassen er også i alle bygdene langs fjorden, frå Ålvik til Mundheim og på andre sida av fjorden, frå Herand til Kysnesstrand.

I februar i år gjekk me inn i ein ny partnarskap med Mentor Medier og fleire andre uavhengige og fritenkjande lokalaviser. Samarbeidet gjev oss tilgang på kompetanse utanfor eiga leikegrind og framtidsretta teknologi. Vona vår er at me maktar å henga med i den nye tida utan å gje frå oss sjølvstende og råderett og verta ei klikkhore.

Ein typisk vestlending, med andre ord.

For å henga med, må me styrkja redaksjonen. Her kjem du inn. Mogelegvis.

Du har:

• teft for gode saker
• idear i hopetal
• høgt tempo og låg puls
• kjennskap til skilnaden mellom Statsforvaltaren og fylkeskommunen
• ellevilt god nynorsk
• ideelt sett ein forkjærleik for Liverpool FC
• førarkort

Me har:

• tidvis trivelege kollegaer
• rom for fagleg utvikling
• ein svært utdatert mikrobølgjeomn
• fridom under ansvar
• ope sinn for nye sprell
• ny frankeringsmaskin
• éin bladstyrar og éin dagleg leiar
• høve til å gjera kva f... me vil

Me er diverre ikkje sertifiserte som «Great Place To Work». Det får våga seg. Til gjengjeld kan me, som absolutt alle andre norske kommunar, skilta med fin natur med rikt høve til å ferdast utandørs om du skulle ha slike perverse interesser.

Kontaktinformasjon

Har du spørsmål om stillingen, ta kontakt med:

• Sigbjørn Linga, bladstyrar, telefon: 415 66 112 / epost: linga@hf.no 

Søk på stillingen her

Hått ev. arbeidsprøvar og referansar.