Helse- og omsorgs­departementet søker taleskrivar

Helse- og omsorgs­departementet

Helse- og omsorgsdepartementet (HOD) har det overordna ansvaret for at folk får gode og likeverdige helse- og omsorgstenester. Departementet har ansvar for folkehelsepolitikken og primærhelse- og spesialisthelsetenesta, medrekna e-helse, helserett og eigarskapsforvaltning av helseføretaka.

Departementet har 250 tilsette. Les meir om oss på regjeringa.no.

Kommunikasjonseininga har ansvar for praktisk tilrettelegging og strategisk utforming av politisk leiing si kontakt med media, og har eit overordna ansvar for strategisk kommunikasjon, for departementet sine nettsider og kanalar i sosiale medium og for krisekommunikasjon.

Eininga har også ansvar for internkommunikasjonen i departementet, og har 11 tilsette.

Helse- og omsorgsdepartementet

Som taleskrivar i Helse- og omsorgsdepartementet får du ein av dei mest spennande kommunikasjonsjobbane i landet.

Vi ønsker deg som skriv godt, raskt kan sette deg inn i kompliserte saker, jobbar sjølvstendig og har erfaring som taleskrivar. Den vi tilset vil òg ha som arbeidsoppgåver å skrive innlegg og kronikkar. Taleskrivaren inngår i team med resten av kommunikasjonseininga i departementet, og kan òg ha andre arbeidsoppgåver knytt til kommunikasjon.

Helse- og omsorgstenesta er eit omfattande felt der problemstillingane er krevjande, debattane mange og merksemda stor. Helsepolitikk angår alle og engasjerer mange. Vi søker deg som kan gi kloke råd og forme poengterte bodskap som treff når det hastar, og som evner å tenke langsiktig. Du bør ha god innsikt i norsk politikk og forvaltning.

Arbeidsoppgåver

• Skrive og utvikle bodskap og tekstar, som talar og kronikkar, pressemeldingar, talepunkt, innlegg og bodskapsplattformer, i samarbeid med politisk leiing og fagavdelingar
• Førebu politisk leiing til intervju og debattar
• Moglegheit for å gå inn i pressevaktordninga
• Bidra ved andre aktuelle oppgåver

Kvalifikasjonar og personalege eigenskapar

Du må ha

• høgare utdanning, gjerne medie- og/eller kommunikasjonsfagleg (relevant arbeidserfaring kan erstatte utdanning)
• ein svært god penn, og skrive klart og tydeleg både på norsk og engelsk
• meistre både korte og treffande bodskap til sosiale medium og lengre talar og overordna bodskapsutvikling
• god rolleforståing, og forstå samspelet mellom politikk, fag og media

Ønskelege kvalifikasjonar:

• Du bør ha erfaring som journalist, kommunikasjonsrådgivar og/eller taleskrivar
• Erfaring frå offentleg sektor og kjennskap til politiske prosessar vil bli lagt vekt på
• Du må som hovudregel ha minst tre års relevant erfaring for å bli plassert inn som rådgivar, og minst seks års relevant erfaring for å bli seniorrådgivar.

Personlege eigenskapar

Vi ser etter deg som

• er idé- og initiativrik
• er analytisk
• arbeider godt under press
• har god vurderingsevne og er van med å handle raskt når det er nødvendig
• har interesse for departementet sine fagområde
• er fleksibel og arbeidsvillig
• er raus, positiv og omgjengeleg med gode samarbeidsevner

Vi legg vekt på personlege eigenskapar som gjer nettopp deg skikka til stillinga.

Mangfald og inkludering i Helse- og omsorgs­departementet

Vi er opptekne av mangfald, og meiner inkludering og mangfald er ein styrke. Vi ønskjer å vere ein arbeidsstad som speglar folket, og vi ønskjer medarbeidarar med ulike kompetansar, fagkombinasjonar, livserfaring og perspektiv for å medverke til endå betre oppgåveløysing. Vi oppmodar derfor alle kvalifiserte kandidatar til å søkje.

Vi har eit personalpolitisk mål om å inkludere personar med nedsett funksjonsevne og personar som har stått utanfor arbeid eller utdanning i lengre tid, og vi legg til rette arbeidstilhøva om det trengst.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

For å bli vurdert som søkjar i desse gruppene, det vil seie positivt særhandsama på denne måten, må søkjarane oppfylle visse krav. Les meir om krava på Arbeidsgjevarportalen

Vi oppmodar deg til å krysse av i jobbportalen dersom du har funksjonsnedsetjing, hol i CV-en eller innvandrarbakgrunn. Avkryssinga i jobbsøkjarportalen gjer grunnlag for anonymisert statistikk som alle statlege verksemder rapporterer i sine årsrapportar.

Vi tilbyr

• 100% fast stilling
• Ein spennande jobb tett på departementet sine fagavdelingar og politisk leiing
• Eit godt arbeidsmiljø
• Fleksibel arbeidstid og moglegheit for trening i arbeidstida
• Medlemskap i Statens pensjonskasse
• Lyse kontorlandskap midt i sentrum (regjeringskvartalet)

Den som vert tilsett må kunne autoriserast for behandling av informasjon gradert HEMMELEG eller høgare etter sikkerheitslova.

Les meir om å jobbe hos HOD her: Jobbe i Helse- og omsorgsdepartementet

Vi er underlagde lov- og avtaleverk som sikrar dei tilsette ryddige arbeids- og tenesteforhold. Løn: kr 630 000 - 950 000 avhengig av kvalifikasjonar og erfaring. For særleg kvalifiserte søkjarar kan vi vurdere høgare løn. 2 % innskot til Statens pensjonskasse blir trekt frå løna. Medlemskapen er ei av dei beste pensjonsordningane i landet, med gunstig bustadlån og gode forsikringsordningar.

Bakgrunnssjekk:

HOD samarbeider med Semac for bakgrunnssjekk av aktuelle kandidatar. Bakgrunnssjekken blir utført etter samtykke frå deg som søkjar, og innebærerat me verifiserer CV og annan søknadsdokumentasjon i samband med tilsetjinga.

Slik søkjer du

Send søknad elektronisk via lenka "Søk stillinga" nedst på sida til JobbNorge.no.

Legg ved vitnemål og eventuelle attestar, og legg inn opplysningar til din CV.

Alle dine personopplysningar vert tatt vare på i samsvar med GDPR.

Unntak fra offentlig søkerliste

I samsvar med offentleglova § 25 gjer vi merksam på at opplysningar om søkjaren kan bli offentleggjorde, sjølv om søkjaren har bede om ikkje å bli ført opp på søkjarlista.

Kontaktperson

Susanne Moen Stephansen, kommunikasjonsdirektør,
480 32 972, susanne-moen.stephansen@hod.dep.no

Søk på stillingen her