Helse- og omsorgsdepartementet søker kommunikasjonsrådgjevar

Helse- og omsorgsdepartementet

Helse- og omsorgsdepartementet (HOD) har det overordna ansvaret for at folk får gode og likeverdige helse- og omsorgstenester. Departementet har ansvar for eldre- og folkehelsepolitikken, for primærhelse- og spesialisthelsetenesta, for e-helse, helserett og eigarskapsforvalting av helseføretaka. Departementet har 250 tilsette.

Les meir om oss på regjeringa.no.

Om avdelinga

Kommunikasjonseininga har ansvar for praktisk tilrettelegging av politisk leiing si kontakt med media, og eit overordna ansvar for strategisk kommunikasjon, ekstern og internkommunikasjon, nettsider, sosiale medium og krisekommunikasjon. Eininga har elleve tilsette.

Om stillinga

Vi søker ein samfunnsengasjert kommunikasjonsrådgjevar! Som kommunikasjonsrådgjevar i Helse- og omsorgsdepartementet får du ein av dei mest spennande kommunikasjonsjobbane i landet. Helsepolitikk angår alle og engasjerer mange. Kommunikasjonseininga jobbar tett med politisk leiing. Vi søker etter ein samfunnsengasjert medarbeidar med god rolleforståing og god kjennskap til utviklinga i medielandskapet.

Arbeidsoppgåver

• Pressekontakt og medierådgiving. Du vil vere med i avdelinga si pressevaktordning
• Kommunikasjonsansvar for eitt av fagområda i departementet
• Førebu politisk leiing til intervju og debattar
• Utvikle bodskap, inkludert skrive og arbeide med talar, innlegg og pressemeldingar
• Lage innhald til regjeringa.no og sosiale medium (tekst, bilete og video)
• Førebu og følge statsråden på reiser
• Bidra ved andre aktuelle oppgåver

Kvalifikasjonar og eigenskapar

Kvalifikasjonar

• Relevant høgare utdanning. Særleg relevant arbeidserfaring kan i enkelte tilfelle vege opp mot kravet til utdanning
• Du har ein svært god penn, og skriv klart og tydeleg
• Du har god rolleforståing, og forstår samspelet mellom politikk, embetsverk og media godt
• Du ser kva situasjonar som eignar seg på bilete og film - og greier å fange dei!

Ønskelege kvalifikasjonar

• Du bør ha erfaring som journalist og/eller kommunikasjonsrådgjevar og pressekontakt 
• Innsikt i offentleg forvaltning og kjennskap til politiske prosessar vil bli lagt vekt på.

For stilling som rådgjevar krev vi normalt minst 3 år relevant erfaring, og for seniorrådgjevar normalt minst 6 år relevant erfaring.

Personlege eigenskapar

Du

• er idérik og initiativrik
• er strukturert og har stor arbeidskapasitet
• har god vurderingsevne og er van til å handle raskt når det er nødvendig
• arbeider godt og sjølvstendig og leverer under press
• har interesse for departementet sine fagområde
• er raus og fleksibel
• er ein omgjengeleg lagspelar, med gode samarbeidsevner

Vi legg vekt på personlege eigenskapar som gjer nettopp deg skikka til stillinga. 

Vi tilbyr

• Fast stilling
• Ein spennande jobb tett på departementet sine fagavdelingar og politisk leiing
•  Eit godt arbeidsmiljø
•  Fleksibel arbeidstid og moglegheit for trening i arbeidstida
• Medlemsskap i Statens pensjonskasse
• Lyse kontorlandskap midt i sentrum (Regjeringskvartalet)

Den som blir tilsett, må kunne verte sikkerheitsklarert på nivå Hemmeleg.

Les meir om å jobbe hos HOD her: Jobbe i Helse- og omsorgsdepartementet

Vi er underlagde lov- og avtaleverk som sikrar dei tilsette ryddige arbeids- og tenesteforhold.

Løn:

Kr 560 000 – 850 000. For særleg kvalifiserte søkarar kan vi vurdere høgare løn.

2 % innskot til Statens pensjonskasse blir trekt frå løna. Medlemskapen er ei av dei beste pensjonsordningane i landet, med gunstig bustadlån og gode forsikringsordningar.

Kontaktperson

Synes du dette høyrest interessant ut og ønskjer nærare informasjon, kan du ta kontakt med:

Andreas Keus, konstituert kommunikasjonsdirektør, 950 72 023, andreas.keus@hod.dep.no 

Slik søkjer du

Send søknad elektronisk via lenka "Søk stillinga" nedst på sida til JobbNorge.no.

Legg ved vitnemål og eventuelle attestar, og legg inn opplysningar til din CV.

Alle dine personopplysningar vert tatt vare på i samsvar med GDPR.

 Unntak fra offentlig søkerliste

I samsvar med offentleglova § 25 gjer vi merksam på at opplysningar om søkjaren kan bli offentleggjort, sjølv om søkjaren har bede om ikkje å bli ført opp på søkjarlista.

Mangfald og inkludering i Helse- og omsorgsdepartementet 

Vi er opptekne av mangfald, og meiner inkludering og mangfald er ein styrke. Vi ønskjer å vere ein arbeidsstad som speglar folket, og vi ønskjer medarbeidarar med ulike kompetansar, fagkombinasjonar, livserfaring og perspektiv for å medverke til endå betre oppgåveløysing. Vi oppmodar derfor alle kvalifiserte kandidatar til å søkje.

Vi har eit personalpolitisk mål om å inkludere personar med nedsett funksjonsevne og personar som har stått utanfor arbeid eller utdanning i lengre tid, og vi legg til rette arbeidstilhøva om det trengst.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

For å bli vurdert som søkjar i desse gruppene, det vil seie positivt særhandsama på denne måten, må søkjarane oppfylle visse krav. Les meir om krava på Arbeidsgjevarportalen

Vi oppmodar deg til å krysse av i jobbportalen dersom du har funksjonsnedsetjing, hol i CV-en eller innvandrarbakgrunn. Avkryssinga i jobbsøkjarportalen gjer grunnlag for anonymisert statistikk som alle statlege verksemder rapporterer i sine årsrapportar.

Søk på stillingen her