Bondevennen søker redaktør

Om arbeidsgiver

Fagbladet Bondevennen er eit tradisjonsrikt og aktuelt fagblad som skriv om den viktigaste næringa i Noreg - jordbruket. Bondevennen blei etablert i 1898 og er landets eldste og einaste regionale landbrukstidsskrift. Bladet har ein solid posisjon som fagblad og talerøyr for landbruket og bygdene på Sør- og Vestlandet, med tyngdepunkt i Rogaland.Bondevennen gir årleg ut 22 utgåver, i papir og på nett. Opplaget er på 4000. Vi publiserer også jamleg nye episodar av Bondevennens podcast med fagleg, sosialt og landbrukspolitisk innhald.Bondevennen er eit AS som er eigd av Felleskjøpet Rogaland Agder (FKRA). Redaksjonen har fem tilsette og er samlokalisert med hovudkontoret til FKRA i Stavanger.

Er du fagleg engasjert i landbruket og har ei sterk samfunnsorientert tilnærming?

Som Redaktør i Bondevennen har du det øvste ansvaret for leiing, strategisk utvikling og dagleg drift. Med eit overordna redaksjonelt ansvar, står du for planlegging og koordinering av utgjevingar og analyserar ramevilkåra sin påverknad for landbruket i vår region. Du bidreg til utvikling av digitale flater og representerar Bondevennen i relevante fagfora og arrangement. Rolla krev at du er ei kreativ kraft som kontinuerleg leverer i tråd med gjeldande strategi for Bondevennen, med mål om å styrkje og sikre bladet sin posisjon som regionalt fagblad.

Stillinga inneber personalansvar for redaksjonen, oppfylging av eksterne ressursar, journalistar, frilansarar og samarbeidspartnarar. Du har ansvar for å sikre effektiv drift og ressursutnytting i tråd med Bondevennen sine mål og verdiar.

Kvalifikasjonar

• Relevant utdanning innan journalistikk, kommunikasjon eller landbruksfag
• Erfaring med redaksjonelt arbeid, gjerne frå fagpresse eller landbrukssektoren
• Erfaring med leiing, budsjettstyring og organisasjonsutvikling
• God skriftleg formuleringsevne og evne til å formidla komplekst stoff på ein lettfatteleg måte
• Kjennskap til norsk landbruk og aktuelle fag- og politiske tema
• Digital kompetanse og erfaring med publiseringsverktøy

For å trivast som Redaktør i Bondevennen må du like å arbeide med menneske og ha evna til å skape entusiasme. Du er strukturert og resultatorientert, og du evnar å leie i omstilling. Du er inkluderande, lagbyggande, løysningsorientert og bidreg til eit godt samarbeid.

Spørsmål om stillingen

Ole Eriksen, styreleder, 48 35 88 80

Per Harald Vabø, adm.dir, 90 82 94 44

Søk på stillingen her