Bjerknessenteret for klimaforsking søker kommunikasjonsrådgiver

Er du vår nye kommunikasjonsrådgjevar på Bjerknessenteret for klimaforsking?

Om senteret

Bjerknessenteret for klimaforskning

 (BCCR) er eitt av dei største og mest anerkjende forskingsmiljø for forståing av klima og klimaendringar i Nord-Europa. BCCR sin visjon er å vere den sentrale nasjonale leverandøren av klimakunnskap. Bjerknessenteret er ein samarbeidsorganisasjon for naturvitskapleg klimaforsking mellom forskarar på Universitetet i Bergen, NORCE, Havforskingsinstituttet og Nansensenteret, med opp mot 300 forskarar tilknytt senteret i dag. Kommunikasjonsavdelinga tel totalt fire personar fordelt i 3,5 stilling, til å handtere ekstern og intern kommunikasjon.

Vi søkjer ein kollega til vårt vesle kommunikasjonsteam. Vi ser etter deg som har brei erfaring frå kommunikasjonsfaget, med vekt på mediekontakt og kan formidle gode historier raskt og treffsikkert i relevante kanalar. Du må kunne jobbe sjølvstendig og samstundes vere ein lagspelar.

Bjerknessenteret for klimaforsking er eit naturvitskapleg klimaforskingssenter, eit samarbeid mellom fire partnarar med opp mot 300 forskarar frå heile verda.

Arbeidsoppgåver:

• Kontakt med media og våre forskarar.
• Produsere og formidle større og mindre saker gjennom foto, video og tekst både på norsk og engelsk.
• Planlegge og koordinere innhald til interne og eksterne målgrupper
• Mediekontakt og innsal til redaksjonar
• Utarbeide og gjennomføre kommunikasjonsplanar for prosjekt og arrangement

• Strategisk rådgjeving og generelt kommunikasjonsarbeid knytt til Bjerknessenteret og eksternt finansierte forskingsprosjekt.

• Det er eit krav at du kan setje deg raskt inn i komplekse problemstillingar og kommunisere godt på norsk og engelsk. Stillinga er fast og oppstart er så snart som mogeleg.

Kvalifikasjonar:

• Du har mastergrad, gjerne innan journalistikk eller kommunikasjonsfag. Lang og relevant erfaring frå media og kommunikasjonsarbeid kan i enkelte tilfelle kompensere for utdanningskravet.
• Du har minimum fem års relevant og dokumentert arbeidserfaring.
• Du har dokumentert kompetanse innan digital kommunikasjon.
• Du har god formidlingsevne og meistrar ulike kommunikasjonsformer både i form av tekst og video.
• Du må vere ein dyktig innhaldsprodusent på flytande norsk og engelsk.
• Du har teft for dei gode mediesakene.
• Du er ein god lagspelar og relasjonsbyggar, med evne til sjølvstendig arbeid.
• Du er strukturert og sjølvgåande.
• Du har gode samarbeidsevner.

Om du har desse kvalifikasjonane og eigenskapane, håpar vi at du vil søkje stillinga hos oss.

Kontaktpersoner

Gudrun Urd Sylte, kommunikasjonsleder,  408 56 457, Gudrun.Sylte@uib.no

Søk på stillingen her